Foydalanish shartlari

Ushbu shartlar Cinera xizmatidan — cinera.uz va cinera.video (keyingi o'rinlarda — «Xizmat») foydalanish qoidalarini belgilaydi. Xizmatga kirib, siz ushbu shartlarga va Maxfiylik siyosatiga rozilik bildirasiz.

1. Xizmat nima qiladi

Xizmat sun'iy intellekt yordamida qisqa videolar yaratadi. AI Rejissyor (Google Gemini) g'oyangiz asosida inglizcha prompt tayyorlaydi; videoni uchinchi tomon modellari (Google Veo — Gemini API orqali, Seedance — BytePlus ModelArk orqali) yaratadi. Natija sun'iy intellekt tomonidan yaratiladi va har doim kutilganidek chiqmasligi mumkin.

2. Akkaunt

  • Xizmatga Google akkaunt, Telegram akkaunt yoki bir martalik email havola orqali kiriladi; parol yo'q. Biz faqat ismingiz, email manzilingiz va profil rasmingizni olamiz.
  • Google akkauntingiz xavfsizligi uchun o'zingiz javobgarsiz.
  • Bir kishi bonus olish maqsadida bir nechta akkaunt ochmasligi kerak. Suiiste'mol aniqlansa, bonuslar bekor qilinishi va akkaunt bloklanishi mumkin.

3. Kontent uchun javobgarlik

  • Siz yaratgan, yuklagan va ulashgan kontent (promptlar, rasmlar, videolar) uchun o'zingiz javobgarsiz.
  • Real shaxslar, brendlar va mualliflik huquqi bilan himoyalangan materiallardan foydalanishga sizda huquq bo'lishi kerak. Boshqa odamning rasmidan uning roziligisiz video yaratmang.
  • O'zbekiston Respublikasi qonunchiligiga zid kontent, jumladan voyaga yetmaganlar ishtirokidagi har qanday jinsiy kontent qat'iyan taqiqlanadi.
  • Video provayderlarning o'z xavfsizlik filtrlari bor va ular so'rovni rad etishi mumkin. Bunday holatda sarflangan kreditlar to'liq qaytariladi.
  • Qoidabuzarlik aniqlansa, video o'chirilishi, ulashish yopilishi va akkaunt bloklanishi mumkin.

4. Kreditlar va to'lovlar

  • Videolar kreditlar evaziga yaratiladi. Har bir videoning narxi model, rezolyutsiya, davomiylik va ovozga qarab tanlashdan oldin ko'rsatiladi.
  • Kreditlar O'zbekiston kartalari orqali (kartadan kartaga o'tkazma) yoki xalqaro karta orqali sotib olinadi. Xalqaro karta to'lovlarini Lemon Squeezy, LLC — bizning Merchant of Record (rasmiy sotuvchi) — amalga oshiradi: bank ko'chirmasi va hisob-fakturada sotuvchi Lemon Squeezy bo'ladi, soliqlar va pul qaytarishlar ham u orqali.
  • Kreditlar eskirmaydi. Pulni qaytarish Pulni qaytarish siyosatiga muvofiq amalga oshiriladi.
  • Bonus kreditlar (ro'yxatdan o'tish va paket bonuslari) chegirma sifatida ishlaydi: ular bitta video narxining ko'pi bilan yarmini qoplaydi va saqlash muddatini uzaytirishga ishlatilmaydi.
  • Kartaga o'tkazmada aniq summani o'tkazing: to'lov shu summa orqali avtomatik aniqlanadi.

5. Qaytarishlar (refund siyosati)

  • Video yaratilmasa (provayder xatosi, vaqt tugashi, xavfsizlik filtri yoki tayyor videoni saqlab bo'lmasa), sarflangan kreditlar avtomatik ravishda to'liq qaytariladi.
  • Video yaratilgan, lekin sifati juda yomon bo'lsa, video saqlanayotgan muddat ichida bir marta shikoyat qilishingiz mumkin. Administrator videoni ko'rib chiqib, kreditlarni to'liq yoki qisman qaytarishi yoki asoslantirib rad etishi mumkin.
  • Xalqaro karta bilan sotib olingan va sarflanmagan kreditlar xariddan 14 kun ichida pulga qaytarilishi mumkin — Pulni qaytarish siyosati. Lemon Squeezy to'lovni qaytarsa, shu to'lov bilan berilgan kreditlar va bonuslar balansdan yechib olinadi.

6. Videolarni saqlash va ulashish

  • Tayyor video 30 kun bepul saqlanadi, keyin diskdan o'chiriladi. Muddatni kredit evaziga uzaytirish mumkin (bir martada ko'pi bilan 365 kun).
  • Muddat tugashidan 3 kun va 1 kun oldin sizga xabar beriladi. Kerakli videolarni o'z vaqtida yuklab oling.
  • Video sukut bo'yicha shaxsiy. Uni havola orqali ulashishingiz yoki umumiy galereyaga yuborishingiz mumkin. Galereyaga faqat moderator tasdiqlagan videolar chiqadi. Promptingiz hech qachon boshqalarga ko'rsatilmaydi.
  • Boshqa foydalanuvchilar ulashilgan videoga shikoyat qilishi mumkin. Shikoyatlar ko'paysa, video tekshiruvgacha yashiriladi.

7. Xizmatning mavjudligi

Xizmat «boricha» taqdim etiladi. Biz uzluksiz ishlashga harakat qilamiz, lekin uchinchi tomon provayderlaridagi uzilishlar yoki texnik ishlar sababli xizmat vaqtincha ishlamasligi mumkin. Narxlar va modellar ro'yxati o'zgarishi mumkin; allaqachon boshlangan generatsiya narxi o'zgarmaydi.

8. Shartlarning o'zgarishi

Shartlar yangilanishi mumkin. Muhim o'zgarishlardan keyin xizmatdan foydalanishni davom ettirish uchun yangi versiyaga qayta rozilik so'raladi.

9. Aloqa

Xizmatni Cinera ko'rsatadi.

Savollar va murojaatlar uchun: support@cinera.uz

Versiya: 2026-10-18

Oxirgi yangilanish: 2026-10-18 · Versiya: 2026-10-18